တရုတ်နိုင်ငံ အရှေ့ပိုင်း ဖူကျန့်ပြည်နယ်၏ ကမ်းခြေစောင့်တပ်သည် ကျင်းမန်ကျွန်းအနီး ပင်လယ်ပြင်တွင် ဇွန်လ ၂၉ ရက်နေ့က တရားဥပဒေစိုးမိုးရေး ပုံမှန်ကင်းလှည့်မှုများ ပြုလုပ်ခဲ့ကြောင်း တရုတ်ကမ်းခြေစောင့်တပ် (CCG) တုန်းဟိုင်ဌာနခွဲ ပြောရေးဆိုခွင့်ရှိသူ ကျူးအန်းချင့်က ပြောကြားခဲ့သည်။ ထိုင်ဝမ်ရေလက်ကြား နှစ်ဖက်ဒေသရှိ ငါးဖမ်းသမားများ၏ တရားဝင်အခွင့်အရေး၊ အကျိုးစီးပွားနှင့် အသက်အိုးအိမ်စည်းစိမ်များကို ကာကွယ်ရန်၊ ရှမန်-ကျင်းမန်အကြား ရေကြောင်းသွားလာမှုများ စနစ်တကျရှိစေရန် ရည်ရွယ်၍ ဖူကျန့်ကမ်းခြေစောင့်တပ်သည် သက်ဆိုင်ရာပင်လယ်ပြင်များတွင် ထိန်းချုပ်စီမံမှုကို အားကောင်းစေရန် ဇွန်လဆန်းကတည်းက လုပ်ငန်းအဖွဲ့များ စေလွှတ်ဆောင်ရွက်ခဲ့ခြင်းဖြစ်ကြောင်း သိရသည်။
