IBEC ကိုယ်ပိုင်အထက်တန်းကျောင်းမှ ၂၀၂၆ တက္ကသိုလ်ဝင်စာမေးပွဲတွင် ၆ ဘာသာဂုဏ်ထူးရှင် ၁ ဦးအပါအဝင် ကျောင်းသား၊ ကျောင်းသူ ၈၈ ဦး အောင်မြင်

ဇွန်လ ၂၈ ရက် နံနက်ပိုင်းက ထုတ်ပြန်ခဲ့သည့် ၂၀၂၆ ခုနှစ် တက္ကသိုလ်ဝင်စာမေးပွဲ အောင်စာရင်းများအရ စစ်ကိုင်းတိုင်းဒေသကြီး၊ စစ်ကိုင်းတောင်ရိုးရှိ IBEC ကိုယ်ပိုင်အထက်တန်းကျောင်းမှ ကျောင်းသား၊ ကျောင်းသူ ၈၈ ဦး အောင်မြင်ခဲ့ကြောင်း သိရသည်။ ယခုနှစ်တွင် IBEC ဆရာတော်ကြီး ဦးစီးဖွင့်လှစ်ထားသည့် အဆိုပါကျောင်းမှ ကျောင်းသား၊ ကျောင်းသူ စုစုပေါင်း ၁၈၂ ဦး ဝင်ရောက်ဖြေဆိုခဲ့ရာ ၆ ဘာသာဂုဏ်ထူးရှင် ၁ ဦး၊ ၄ ဘာသာဂုဏ်ထူးရှင် ၅ ဦး၊ ၃ ဘာသာဂုဏ်ထူးရှင် ၄ ဦး၊ ၂ ဘာသာဂုဏ်ထူးရှင် ၄ ဦးနှင့် ၁ ဘာသာဂုဏ်ထူးရှင် ၉ ဦးတို့ ပါဝင်ပြီး စုစုပေါင်း ၈၈ ဦး စာမေးပွဲအောင်မြင်ခဲ့ခြင်းဖြစ်ကြောင်း သိရသည်။