တင်းမာမှုများ မြင့်တက်လာသည့်ကြားတွင် ဟော်မုဇ်ရေလက်ကြားကို ဖြတ်သန်းသည့် သင်္ဘောအရေအတွက် ၈၀ ရာခိုင်နှုန်းခန့် ကျဆင်းသွား

အမေရိကန်နှင့် အီရန်နိုင်ငံတို့ကြား ပဋိပက္ခများ ထပ်မံဆိုးရွားလာသည့်အပေါ် သင်္ဘောလိုင်းများက စိုးရိမ်လာကြသဖြင့် ယခုသီတင်းပတ်ကုန်ပိုင်းတွင် ဟော်မုဇ်ရေလက်ကြားကို ဖြတ်သန်းသွားလာသည့် ကုန်တင်သင်္ဘောအရေအတွက် သိသိသာသာ နည်းပါးသွားကြောင်း Bloomberg သတင်းဌာနက ဖော်ပြသည်။ သင်္ဘောလမ်းကြောင်းခြေရာခံသည့် အချက်အလက်များအရ စနေနေ့က ရေနံတင်သင်္ဘောတစ်စီး တိုက်ခိုက်ခံရပြီးနောက် ကုန်တင်သင်္ဘော ဖြတ်သန်းမှု ၂၈ ကြိမ် ရှိခဲ့သော်လည်း၊ တနင်္ဂနွေနေ့တွင် ရေလက်ကြားနှစ်ဖက်စလုံးမှ ဖြတ်သန်းသည့် သင်္ဘော ၁၂ စီးသာ ရှိတော့သဖြင့် ပုံမှန်ထက် ၈၀ ရာခိုင်နှုန်းခန့်အထိ သိသိသာသာ ကျဆင်းသွားကြောင်း သိရသည်။