ကမ္ဘာ့ဖလားသမိုင်းတွင် ဂျာမနီအသင်း ပယ်နယ်တီဖြင့် ပထမဆုံးအကြိမ် အရေးနိမ့်

ဂျာမနီအသင်းသည် ပါရာဂွေးအသင်းအား ပယ်နယ်တီအဆုံးအဖြတ်ဖြင့် အရေးနိမ့်ကာ ကမ္ဘာ့ဖလားသမိုင်းတျှောက် ပထမဆုံးအကြိမ်အဖြစ် ပယ်နယ်တီဖြင့် ရှုံးနိမ့်မှုနှင့် ကြုံတွေ့ခဲ့ရသည်။ ပယ်နယ်တီကန်သွင်းမှုတွင် ဂျာမနီအသင်းမှ ဟာဗက်ဇ်နှင့် ဝူတယ်မာဒယ်တို့၏ ကန်ချက်များကို ပါရာဂွေးဂိုးသမားက ကာကွယ်နိုင်ခဲ့ပြီး တီအာဟာ၏ ကန်ချက်မှာ ဂိုးဘားပေါ်ကျော်သွားခဲ့ခြင်းဖြစ်သည်။ ဂျာမနီအသင်းသည် ယခင်ကမ္ဘာ့ဖလားပြိုင်ပွဲများရှိ ပယ်နယ်တီအဆုံးအဖြတ် ၄ ကြိမ်စလုံးတွင် အနိုင်ရရှိခဲ့ဖူးပြီး၊ မေဂျာပြိုင်ပွဲကြီးများ၌ ၁၉၇၆ ယူရိုဗိုလ်လုပွဲတွင် ချက်ကိုဆလိုဗက်ကီးယားအား ပယ်နယ်တီဖြင့် တစ်ကြိမ်သာ ရှုံးနိမ့်ဖူးခဲ့သည်။ ဂျာမနီအသင်းသည် ၂၀၁၄ ကမ္ဘာ့ဖလားတွင် ဗိုလ်စွဲခဲ့ပြီးနောက်ပိုင်း ပြိုင်ပွဲသုံးကြိမ်ဆက်တိုက် ရလဒ်ဆိုးများနှင့် ရင်ဆိုင်နေရကာ ၂၀၁၈ နှင့် ၂၀၂၂ ကမ္ဘာ့ဖလားများတွင် အုပ်စုအဆင့်မှ ထွက်ခဲ့ရသည့်အပြင် ယခု ၂၀၂၆ ကမ္ဘာ့ဖလားပြိုင်ပွဲတွင်လည်း ၃၂ သင်းအဆင့်ကို ကျော်ဖြတ်နိုင်ခြင်းမရှိဘဲ လှည့်ပြန်ခဲ့ရသည်။