ထိုင်းအစိုးရနှင့် စစ်တပ်က လာမည့်နှစ်အတွက် အွန်လိုင်းပလက်ဖောင်းမှတစ်ဆင့် မိမိသဘောဆန္ဒအလျောက် ဝင်ရောက်မည့် "စေတနာ့ဝန်ထမ်းစစ်သား" ဦးရေ ၂၅,၀၀၀ တိတိကို စတင်စုဆောင်းခေါ်ယူတော့မည်ဖြစ်ကြောင်း ထုတ်ပြန်ခဲ့သည်။ ယခုအစီအစဉ်သည် အနာဂတ်တွင် ထိုင်းရိုးရာ အနီ/အမည်း မဲနှိုက်ပြီးအတင်းအကျပ် စစ်မှုထမ်းခိုင်းသည့်စနစ်ကို အစားထိုးရန်နှင့် စစ်တပ်ကို ခေတ်မီအောင် ပြုပြင်ပြောင်းလဲရန် ရည်ရွယ်ခြင်းဖြစ်သည်။ သတ်မှတ်အသက်အရွယ်အတွင်းရှိ ထိုင်းလူငယ်အမျိုးသားများသည် စစ်တပ်ရုံးများသို့ သွားရောက်ရန်မလိုဘဲ အွန်လိုင်းမှတိုက်ရိုက် လျှောက်ထားနိုင်မည်ဖြစ်သည်။
စေတနာ့ဝန်ထမ်းအဖြစ် ဝင်ရောက်လာသူများအတွက် ပုံမှန်လစာ၊ စရိတ်စကများနှင့် ကျန်းမာရေးစောင့်ရှောက်မှု အပါအဝင် သက်သာချောင်ချိရေး အကျိုးခံစားခွင့်များကို အပြည့်အဝ ပေးအပ်သွားမည်ဖြစ်သည်။ ထို့ပြင် စစ်မှုထမ်းစဉ်အတွင်းအသက်မွေးဝမ်းကျောင်းသင်တန်းများ တက်ရောက်ခွင့်ရမည့်အပြင်၊ ကာလပြည့်မြောက်ပါကလည်း စစ်တပ်တွင် အရာရှိအဆင့်အထိ ဆက်လက်အမှုထမ်းနိုင်ရန် ဦးစားပေးအခွင့်အရေးများ စီစဉ်ပေးထားသည်။ ယခုလုပ်ဆောင်ချက်သည် အတင်းအကျပ် စစ်သားစုဆောင်းခံရမည်ကို စိုးရိမ်နေသည့် လူငယ်များ၏စိုးရိမ်စိတ်ကို လျှော့ချပေးရန်နှင့် စစ်သားလုပ်ချင်သည့် စိတ်ထက်သန်သူများကိုသာ ရွေးချယ်ရန်ဖြစ်ပြီး၊ အောင်မြင်မှုရရှိပါက နောင်တွင် မဲနှိုက်စနစ်ကို လုံးဝပယ်ဖျက်သွားရန်အထိ ရည်မှန်းထားကြောင်း သိရသည်။
