ဖားကန့်မြို့နယ်တွင် လုပ်ကွက်ဟောင်းမြေစာပုံပြိုကျမှုဖြစ်ပွား၊ ပျောက်ဆုံးနေသည့် ရေမဆေးကျောက်ရှာဖွေသူ ၂၀ ခန့်အနက် ရုပ်အလောင်း ၅ လောင်း ရှာဖွေတွေ့ရှိ

ကချင်ပြည်နယ်၊ ဖားကန့်မြို့နယ်၊ နမ့်မှော်ကျေးရွာအနီးရှိ လုပ်ကွက်ဟောင်းမြေစာပုံတစ်ခုသည် ဇွန်လ ၂၈ ရက် ည ၁၁ နာရီကျော်ခန့်က မိုးသည်းထန်စွာရွာသွန်းမှုကြောင့် ပြိုကျခဲ့ရာ ညပိုင်းမီးထိုး၍ ကျောက်ရှာဖွေနေသည့် ရေမဆေးကျောက်ရှာဖွေသူ ၂၀ ဦးခန့် မြေစာပုံအောက် ပိတ်မိပျောက်ဆုံးသွားခဲ့ကြောင်း ဒေသခံများထံမှ သိရသည်။ လက်ရှိတွင် သက်ဆိုင်ရာတာဝန်ရှိသူများနှင့် လူမှုကူညီရေးအသင်းများက ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိပြီး၊ လက်ရှိအချိန်ထိ ရုပ်အလောင်း ၅ လောင်း ရှာဖွေတွေ့ရှိထားကြောင်း သိရသည်။