ငလျင်အပျက်အစီးများအောက် လေးရက်ကြာ ပိတ်မိနေသည့် သားအဖနှစ်ဦးကို အသက်ရှင်လျက် ကယ်တင်နိုင်

ပြင်းထန်သော ငလျင်နှစ်ခု လှုပ်ခတ်ပြီး လေးရက်အကြာ တနင်္ဂနွေနေ့တွင် ပြိုကျနေသော အဆောက်အအုံတစ်ခု၏ အပျက်အစီးများအောက်၌ ပိတ်မိနေသည့် ဖခင်နှင့် သားဖြစ်သူတို့ကို အသက်ရှင်လျက် ကယ်ထုတ်နိုင်ခဲ့ကြောင်း သိရသည်။ အဆိုပါ ငလျင်ဒဏ် အပြင်းထန်ဆုံး ခံခဲ့ရသည့် ကမ်းရိုးတန်းဒေသဖြစ်သော လာဂွိုင်ရာပြည်နယ်တွင် ပြင်သစ်နှင့် အမေရိကန် ကယ်ဆယ်ရေးအဖွဲ့များက အားနည်းနေသည့် သားအဖနှစ်ဦးကို ထမ်းစင်များဖြင့် အပျက်အစီးများကြားမှ လူနာတင်ယာဉ်များသို့ ဘေးကင်းစွာ ပို့ဆောင်ပေးနိုင်ခဲ့ခြင်းဖြစ်ပြီး၊ ယင်းဖြစ်စဉ်သည် ပျောက်ဆုံးနေသူများကို အချိန်လုရှာဖွေနေရသည့် ကယ်ဆယ်ရေးသမားများအတွက် မျှော်လင့်ချက်တစ်ရပ် ဖြစ်လာခဲ့သည်။ ဗုဒ္ဓဟူးနေ့က လှုပ်ခတ်ခဲ့သော အဆိုပါ ငလျင်ကြောင့် လက်ရှိအချိန်ထိ လူ ၁,၄၅၀ ထက်မနည်း သေဆုံးခဲ့ပြီး ထောင်နှင့်ချီသော လူများ ပျောက်ဆုံးနေဆဲဖြစ်ကြောင်း သိရသည်။