KSL FC အသင်း Fire Dragon Futsal Amateur Cup 2026 ချန်ပီယံဆု ဆွတ်ခူး

Fire Dragon Futsal Amateur Cup 2026 ပြိုင်ပွဲ၏ ဗိုလ်လုပွဲတွင် KSL FC အသင်းက Cherry Army FC အသင်းကို ၄ ဂိုး - ၂ ဂိုးဖြင့် အနိုင်ရရှိကာ ချန်ပီယံဆုကို ဆွတ်ခူးရရှိခဲ့ကြောင်း သိရသည်။ အဆိုပါ ဗိုလ်လုပွဲကို ဇွန်လ ၂၈ ရက်က MFF Futsal Stadium ၌ ကျင်းပခဲ့ပြီး ပွဲအပြီးတွင် ဆုပေးပွဲအခမ်းအနားကို ဆက်လက်ပြုလုပ်ခဲ့ရာ တာဝန်ရှိသူများက ဒိုင်လူကြီးများအား အမှတ်တရဆုများ ပေးအပ်ချီးမြှင့်ခဲ့သည်။ ပြိုင်ပွဲ၏ Fair Play (အသန့်ရှင်းဆုံးအသင်း) ဆုကိုမူ Seven FC အသင်းက ဆွတ်ခူးရရှိခဲ့ပြီး အမှတ်တရဆုနှင့်အတူ ဆုကြေးငွေကျပ် ၅ သိန်း ချီးမြှင့်ခြင်းခံခဲ့ရကြောင်း သိရသည်။