ဆရာ၊ ဆရာမများနှင့် ကျောင်းသားမိဘများကို လေးစားအသိအမှတ်ပြုကျေးဇူးတင်ကြောင်း ဧရာဝတီတိုင်းအစိုးရအဖွဲ့ ထုတ်ပြန်

၂၀၂၆ ခုနှစ် တက္ကသိုလ်ဝင်စာမေးပွဲ အောင်စာရင်းများကို ဇွန်လ ၂၈ ရက်တွင် ထုတ်ပြန်ကြေညာခဲ့ပြီးနောက် ထူးချွန်ထက်မြက်သည့် မျိုးဆက်သစ်ကျောင်းသားလူငယ်များ ပေါ်ထွက်လာစေရန် စေတနာ၊ ဝါသနာ၊ အနစ်နာဟူသော နာသုံးနာကို လက်ကိုင်ပိုက်၍ မမောမပန်း သင်ကြားပြသပေးခဲ့ကြသည့် ဆရာ၊ ဆရာမများနှင့် ကျောင်းသားမိဘများ၏ စွမ်းစွမ်းတမံ ကြိုးပမ်းအားထုတ်မှုများကို အထူးပင်လေးစားအသိအမှတ်ပြုကာ လှိုက်လှိုက်လှဲလှဲ ကျေးဇူးတင်ရှိကြောင်း ဧရာဝတီတိုင်းဒေသကြီးအစိုးရအဖွဲ့က ဇွန်လ ၂၉ ရက် ယနေ့တွင် ဂုဏ်ပြုမှတ်တမ်းတင် ထုတ်ပြန်ခဲ့သည်။