ဂျပန် နျူကလီးယားစက်ရုံများမှ အသုံးပြုပြီးသား နျူကလီးယားလောင်စာ (Spent Nuclear Fuel) သိုလှောင်မှုပမာဏ စံချိန်တင်မြင့်တက်လာ

ဂျပန်နိုင်ငံတစ်ဝှမ်းရှိ နျူကလီးယားစွမ်းအင်သုံး လျှပ်စစ်ဓာတ်အားပေးစက်ရုံများတွင် လျှပ်စစ်ထုတ်လုပ်ပြီးနောက် ထွက်ရှိလာသည့် အသုံးပြုပြီးသား နျူကလီးယားလောင်စာ (Spent Nuclear Fuel) အညစ်အကြေး ပမာဏသည် စုစုပေါင်း တန်ချိန် ၁၉,၀၀၀ ကျော်အထိ ရှိလာပြီး ၎င်းတို့ကို သိမ်းဆည်းထားသည့် စက်ရုံတွင်း ရေကန်များ၏ သိုလှောင်နိုင်စွမ်းပမာဏမှာ ၈၀ ရာခိုင်နှုန်းခန့်အထိ ပြည့်လုနီးပါးဖြစ်ကာ စံချိန်တင်မြင့်တက်နေကြောင်း ဂျပန်အစိုးရနှင့် နျူကလီးယားထိန်းညှိရေးအာဏာပိုင်အဖွဲ့ (NRA) ၏ နောက်ဆုံးထုတ်ပြန်ချက်အရ သိရသည်။ ၂၀၁၁ ခုနှစ် ဖူကူရှီးမားနျူကလီးယားမတော်တဆမှုအပြီး ရပ်ဆိုင်းထားခဲ့သည့် ရီအက်တာ (Reactors) အချို့ကို ဝန်ကြီးချုပ် ဖူမီယို ကီရှီဒါ အစိုးရက စွမ်းအင်လိုအပ်ချက်အရ ပြန်လည်လည်ပတ်ရန် တွန်းအားပေးနေခြင်းကြောင့် ဤရေဒီယိုသတ္တိကြွ အညစ်အကြေးများ ပိုမိုထွက်ရှိလာခြင်းဖြစ်ပြီး၊ အာအိုမိုရီ (Aomori) စီရင်စုရှိ ရိုက္ကာရှို (Rokkasho) နျူကလီးယားစွန့်ပစ်ပစ္စည်းပြန်လည်ပြုပြင်ရေးစက်ရုံ (Reprocessing Plant) ဖွင့်လှစ်မည့် အစီအစဉ်မှာလည်း နည်းပညာနှင့် ဘေးကင်းလုံခြုံရေးဆိုင်ရာ စစ်ဆေးမှုများကြောင့် နှစ်ပေါင်းများစွာ ထပ်ခါတလဲလဲ ကြန့်ကြာနေရသဖြင့် ရေရှည်တွင် အဆိုပါစွန့်ပစ်ပစ္စည်းများကို ဘယ်ကဲ့သို့ စီမံခန့်ခွဲသွားမည်နည်းဟူသော ကိစ္စရပ်အပေါ် ပတ်ဝန်းကျင်ထိန်းသိမ်းရေးသမားများနှင့် ဒေသခံပြည်သူများအကြား စိုးရိမ်ပူပန်မှုများ ပိုမိုမြင့်တက်လျက်ရှိသည်။