အင်းစိန်အကျဉ်းထောင်မှ တက္ကသိုလ်ဝင်စာမေးပွဲ ဖြေဆိုသူ ၃၆ ဦးစလုံး ရာနှုန်းပြည့် အောင်မြင်

၂၀၂၆ ခုနှစ် တက္ကသိုလ်ဝင်စာမေးပွဲ အောင်စာရင်းများကို ဇွန်လ ၂၈ ရက် နံနက်ပိုင်းတွင် ထုတ်ပြန်ခဲ့ရာ အင်းစိန်အကျဉ်းထောင်မှ ဝင်ရောက်ဖြေဆိုခဲ့ကြသည့် အကျဉ်းသား၊ အကျဉ်းသူ ၃၆ ဦးစလုံး စာမေးပွဲ ရာနှုန်းပြည့် အောင်မြင်ခဲ့ကြောင်း သိရသည်။ ထိုသို့ အောင်မြင်ခဲ့သူများအနက် ၃ ဘာသာဂုဏ်ထူးရှင် ၁ ဦး၊ ၂ ဘာသာဂုဏ်ထူးရှင် ၁ ဦး၊ ၁ ဘာသာဂုဏ်ထူးရှင် ၅ ဦးနှင့် ရိုးရိုးအောင်မြင်သူ ၂၉ ဦး ပါဝင်ကြောင်း သိရပြီး၊ ယခုနှစ် တက္ကသိုလ်ဝင်စာမေးပွဲတွင် တစ်နိုင်ငံလုံး အတိုင်းအတာဖြင့် အောင်မြင်သူ စုစုပေါင်း ၁ သိန်း ၃ သောင်းကျော် ရှိခဲ့ကြောင်း မြန်မာနိုင်ငံစာစစ်ဦးစီးဌာန၏ စာရင်းများအရ သိရသည်။