လာအိုနိုင်ငံအစိုးရသည် ငွေကြေးဖောင်းပွမှုဒဏ်ကို လျှော့ချရန်နှင့် ဆီဈေးနှုန်းများကို ထိန်းညှိရန်အတွက် ပြီးခဲ့သည့် မတ်လအတွင်းက ယာယီလျှော့ချပေးခဲ့သည့် အရေးပေါ်လောင်စာဆီ သက်သာခွင့်အစီအစဉ်များ ဇွန်လကုန်တွင် သက်တမ်းကုန်ဆုံးတော့မည်ဖြစ်သောကြောင့် ဒီဇယ်နှင့် ဓာတ်ဆီအပေါ် ကောက်ခံမည့် ယစ်မျိုးခွန် (Excise Tax) နှုန်းထားများကို မူလအတိုင်း ပြန်လည်တိုးမြှင့်ကောက်ခံသွားတော့မည်ဖြစ်သည်။ လာအိုအာဏာပိုင်များက ပြီးခဲ့သည့် မတ်လ ၁၈ ရက်မှစ၍ ဒီဇယ်အပေါ် ယစ်မျိုးခွန်ကို ၂၁ ရာခိုင်နှုန်းနှင့် ပုံမှန်ဓာတ်ဆီကို ၃၁ ရာခိုင်နှုန်းအထိ ယာယီအမြင့်ဆုံးသတ်မှတ်ကာ အခွန်လျှော့ချပေးခဲ့သော်လည်း အဆိုပါအရေးပေါ်သက်သာခွင့်သည် ဇွန် ၃၀ ရက်တွင် ပြီးဆုံးမည်ဖြစ်ရာ အခွန်နှုန်းထားများ ပြန်လည်မြင့်တက်လာမှုနှင့်အတူ ကမ္ဘာ့ရေနံဈေးကွက် မတည်ငြိမ်မှုများကြောင့် ပြည်တွင်းလောင်စာဆီ လက်လီဈေးနှုန်းများ ထပ်မံမြင့်တက်လာနိုင်ပြီး လူနေမှုစရိတ်အပေါ် ရိုက်ခတ်မှုများရှိလာနိုင်ကြောင်း စီးပွားရေးကျွမ်းကျင်သူများက သုံးသပ်ထားကြသည်။
