နောင်ချို၊ ကျောက်မဲ၊ သီပေါနှင့် လားရှိုးမြို့တို့တွင် စက်သုံးဆီခွဲတမ်း မရရှိမှုအပေါ် လွှတ်တော်တွင် မေးမြန်း

ရှမ်းပြည်နယ် (မြောက်ပိုင်း) ရှိ နောင်ချို၊ ကျောက်မဲ၊ သီပေါနှင့် လားရှိုးမြို့တို့တွင် အစိုးရစက်သုံးဆီခွဲတမ်း မရရှိသည့်အခြေအနေနှင့် စပ်လျဉ်း၍ စက်သုံးဆီခွဲဝေဖြန့်ဖြူးရေး အစီအစဉ်များကို သိရှိလိုကြောင်း နောင်ချိုမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးကျော်မြင့်နိုင်က ပြည်သူ့လွှတ်တော်အစည်းအဝေးတွင် မေးမြန်းခဲ့ရာ၊ သက်ဆိုင်ရာဝန်ကြီးဌာနက နယ်မြေအခြေအနေကြောင့် လက်ရှိတွင် မပို့ဆောင်နိုင်သေးသော်လည်း အခြေအနေပေးသည်နှင့် စက်သုံးဆီခွဲတမ်းများ ပြန်လည်ပို့ဆောင်ပေးမည်ဖြစ်ကြောင်း ဖြေကြားခဲ့သည်။