ကိဒ်ဗာဒီအသင်းသည် ပြိုင်ပွဲအုပ်စုအဆင့် ပွဲစဉ် (၃) ပွဲစလုံးတွင် သရေရလဒ်သာ ရယူနိုင်ခဲ့ပေမယ့်လည်း ရှုံးပွဲမရှိစံချိန်နဲံ အမှတ်စုဆောင်းနိုင်ခဲ့တာကြောင့် အုပ်စုအဆင့်မှ ၃၂ အသင်းအဆင့်ကို အောင်မြင်စွာ တက်ရောက်သွားပြီး ဖြစ်ပါတယ်။ကိဒ်ဗာဒီဟာ အုပ်စုအဖွင့်ပွဲမှာ ကမ္ဘာ့အင်အားကြီး စပိန်အသင်းကို ဂိုးမရှိသရေ (၀-၀)နဲ့ ထိန်းချုပ်နိုင်ခဲ့ပြီး ပြိုင်ပွဲရဲ့ အံ့အားသင့်ဖွယ်ရလဒ်တစ်ခုကို ဖန်တီးနိုင်ခဲ့ပါတယ်။ဒုတိယပွဲမှာလည်း ဥရုဂွေးအသင်းနှင့် (၂-၂) ဂိုးနဲ့ သရေကျခဲ့ကာ တိုက်စစ်ပိုင်း အားကောင်းမှုကို ပြသနိုင်ခဲ့ပြီး နောက်ဆုံးအုပ်စုပွဲဖြစ်တဲ့ ဆော်ဒီအာရေဗျအသင်းကို (၀-၀) ဂိုးနဲ့ သရေကျခဲ့ပြီး သုံးပွဲဆက် သရေရလဒ်ရရှိခဲ့တာပါ။အခုအောင်မြင်မှုမှာ ကိဒ်ဗာဒီအသင်းရဲ့ သမိုင်းတစ်လျှောက် ပထမဆုံး ကမ္ဘာ့ဖလားပြိုင်ပွဲဝင်ရောက်ယှဉ်ပြိုင်ရာမှ နောက်တစ်ဆင့်အထိ တက်လှမ်းနိုင်ခဲ့ခြင်းဖြစ်ပြီး ဇူလိုင်လ ၄ ရက် နံနက် ၄း၃၀ နာရီ ( မြန်မာစံတော်ချိန်) မှာ အာဂျင်တီးနားနဲ့ ယှဉ်ပြိုင်ရမှာပဲဖြစ်ပါတယ်။
