အာရှ-ပစိဖိတ်ဒေသ ထိပ်တန်းတက္ကသိုလ်များနှင့် မြန်မာတက္ကသိုလ်များအကြား ပညာရေးနှင့် သုတေသနပူးပေါင်းဆောင်ရွက်ရေး ဆွေးနွေး

အင်ဒိုနီးရှားနိုင်ငံ၌ ကျင်းပလျက်ရှိသည့် ကမ္ဘာလုံးဆိုင်ရာ ရေရှည်တည်တံ့သော ဖွံ့ဖြိုးတိုးတက်ရေး ညီလာခံ (တတိယနေ့) သို့ တက်ရောက်နေသည့် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် အာရှနှင့် ပစိဖိတ်ဒေသအတွင်းရှိ ထိပ်တန်းနိုင်ငံတကာတက္ကသိုလ်များမှ တာဝန်ရှိသူများနှင့် သီးခြားတွေ့ဆုံခဲ့ပြီး၊ မြန်မာနိုင်ငံရှိ တက္ကသိုလ်များအကြား ပညာရေး၊ သုတေသနနှင့် နည်းပညာကဏ္ဍများတွင် အပြန်အလှန် ပူးပေါင်းဆောင်ရွက်နိုင်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြောင်း သိရသည်။