ကချင်ပြည်နယ်၊မိုးကောင်းနှင့် ဖားကန့်ဒေသများတွင် ရေကြီးနစ်မြုပ်မှုဆိုးရွားနေပြီး အရေးပေါ်အကူအညီများ အရေးတကြီးလိုအပ်နေ

ကချင်ပြည်နယ်အတွင်း မိုးအဆက်မပြတ် ရွာသွန်းမှုကြောင့် မိုးကောင်းနှင့် ဖားကန့်ဒေသများတွင် ရေကြီးနစ်မြုပ်မှုများ ဆိုးဆိုးရွားရွား ဖြစ်ပွားနေပြီး ဒေသခံများအတွက် ရိက္ခာ၊ သောက်သုံးရေနှင့် ဆေးဝါးစသည့် အရေးပေါ်အကူအညီများ အရေးတကြီး လိုအပ်လျက်ရှိသည်။ မိုးကောင်းမြို့တွင် နန့်ယင်းချောင်းနှင့် နန့်ကောင်းချောင်းရေများ မြင့်တက်လာမှုကြောင့် တစ်မြို့လုံးနီးပါး ရေနစ်မြုပ်ကာ သွားလာရေး အခက်အခဲများနှင့် ရင်ဆိုင်နေရပြီး အချို့နေရာများတွင် ဆက်လက်နေထိုင်ရန် မဖြစ်နိုင်တော့သည့် အခြေအနေများနှင့် ကြုံတွေ့နေရကြောင်း ဒေသခံများ၏ ပြောကြားချက်အရ သိရသည်။