ဥရောပတခွင် စံချိန်တင် အပူလှိုင်းဒဏ်ကြောင့် ကလေးငယ် ၂ ဦး အပါအဝင် သေဆုံးမှုများ ရှိလာ

အနောက်ဥရောပဒေသတစ်ခုလုံးတွင် စံချိန်တင် အပူလှိုင်းဒဏ်ကို ပြင်းထန်စွာ ခံစားနေရစဉ်အတွင်း ပြင်သစ်နိုင်ငံ ကာပန်ထရပ်စ်မြို့၌ ၃၉ ဒီဂရီဆဲလ်စီးယပ်စ်အထိ ပူပြင်းခဲ့သော ဇွန်လ ၂၂ ရက်က အသက် ၄ နှစ်နှင့် ၂ နှစ်အရွယ် ကလေးငယ်နှစ်ဦး ကားထဲတွင် အပူဒဏ်ကြောင့် သေဆုံးခဲ့ရသည့်အပြင်၊ ဘော်ဒိုးမြို့အနီးတွင်လည်း သက်ကြီးရွယ်အို ၃ ဦး အပူရှိန်ကြောင့် သေဆုံးခဲ့ကြောင်း သိရသည်။ လက်ရှိတွင် ပြင်သစ်အစိုးရက တစ်နိုင်ငံလုံး၏ ထက်ဝက်နီးပါးကို အန္တရာယ်ရှိ အဆင့် ၁ သတိပေးချက် ထုတ်ပြန်ကာ စာသင်ကျောင်း ၁,၃၀၀ ကျော်နှင့် ရထားခရီးစဉ်အချို့ကို ပိတ်သိမ်းထားရပြီး၊ စပိန်နိုင်ငံတွင်လည်း အပူချိန် ၄၄ ဒီဂရီဆဲလ်စီးယပ်စ်အထိ မြင့်တက်နိုင်၍ အပူလှိုင်းသတိပေးချက် ထုတ်ပြန်ထားရသည်။ ထို့ပြင် ဂျာမနီ၊ ဘယ်လ်ဂျီယမ်၊ ဗြိတိန်နှင့် အီတလီနိုင်ငံတို့တွင်လည်း အပူချိန်များ စံချိန်တင်မြင့်တက်နေသဖြင့် အနီရောင်အဆင့် သတိပေးချက်များ ထုတ်ပြန်ထားရပြီး၊ သိပ္ပံပညာရှင်များက ကမ္ဘာမြေပူနွေးလာမှုကြောင့် ယခုကဲ့သို့ ပြင်းထန်သော အပူလှိုင်းဘေးအန္တရာယ်များကို ပုံမှန်ထက်စော၍ ပိုမိုပြင်းထန်ကြာရှည်စွာ ကြုံတွေ့ရတော့မည်ဟု သတိပေးထားကြောင်း သိရသည်။