တရုတ်နိုင်ငံ၏ နဂါးလှေလှော်ပွဲတော် အားလပ်ရက်အတွင်း နယ်စပ်ဖြတ်ကျော် ခရီးသွားလာမှု ၁၂.၉ ရာခိုင်နှုန်း မြင့်တက်

တရုတ်နိုင်ငံ၌ ကျင်းပခဲ့သည့် သုံးရက်ကြာ နဂါးလှေလှော်ပွဲတော် အားလပ်ရက်အတွင်း နယ်စပ်ဖြတ်ကျော် ခရီးစဉ်ပေါင်း ၆.၆၇ သန်းခန့်ရှိခဲ့ပြီး ယခင်နှစ်ကာလတူထက် ၁၂.၉ ရာခိုင်နှုန်း မြင့်တက်လာကြောင်း အမျိုးသားလူဝင်မှုကြီးကြပ်ရေးဌာန (NIA) က ဇွန်လ ၂၂ ရက်တွင် ပြောကြားသည်။ဇွန်လ ၂၁ ရက်တွင် ပြီးဆုံးခဲ့သော အဆိုပါ အားလပ်ရက်ကာလအတွင်း နိုင်ငံခြားခရီးသွားဧည့်သည်များ၏ နယ်စပ်ဖြတ်ကျော် ခရီးစဉ်များမှာ ၇၇၇,၀၀၀ အထိ ရှိလာခဲ့ပြီး ၂၀၂၅ ခုနှစ် ကိန်းဂဏန်းထက် ၂၃.၃ ရာခိုင်နှုန်း မြင့်တက်လာကြောင်း သိရသည်။ ထိုသို့ နိုင်ငံခြားခရီးသွားများ ဝင်ရောက်မှု မြင့်တက်လာခြင်းမှာ တရုတ်နိုင်ငံ၏ ဗီဇာကင်းလွတ်ခွင့်မူဝါဒများကြောင့်ဖြစ်သည်။ အထူးသဖြင့် ဖေဖော်ဝါရီလအတွင်း တရုတ်နိုင်ငံက နိုင်ငံပေါင်း ၅၀ မှ နိုင်ငံသားများအတွက် တစ်ဖက်သတ် ဗီဇာကင်းလွတ်ခွင့်ကို တိုးချဲ့ပေးခဲ့ခြင်းက အဓိက အထောက်အပံ့ဖြစ်ခဲ့သည်။ အဆိုပါ ဗီဇာကင်းလွတ်ခွင့်မူဝါဒဖြင့် ဝင်ရောက်လာသည့် နိုင်ငံခြားခရီးသွားဧည့်သည် ခရီးစဉ်ပေါင်း ၂၆၆,၀၀၀ ရှိခဲ့ပြီး ယခင်နှစ်ထက် ၁၅.၂ ရာခိုင်နှုန်း တိုးတက်လာခဲ့ကြောင်းဖော်ပြထားသည်။