တရုတ်-လာအိုရထားလမ်း လာအိုလမ်းပိုင်းတွင် ဝန်ဆောင်မှုအဆင့်မြှင့်တင်သည့်အနေဖြင့် ခရီးဆောင်အိတ်ရထားတွဲဖြင့် သီးသန့်ပို့ဆောင်ခြင်းလုပ်ငန်း စတင်

တရုတ်-လာအိုရထားလမ်း လာအိုလမ်းပိုင်းတွင် ခရီးဆောင်အိတ်ရထားတွဲ အသစ်ဖြည့်စွက်ထားသော K12 သာမန်ခရီးသည်တင်ရထားသည် ဇွန် ၂၂ ရက် နံနက်ပိုင်းက ဗီယင်ကျန်းဘူတာမှ စတင်ခုတ်မောင်းခဲ့ပြီး ပထမဆုံးအကြိမ်အဖြစ် ခရီးဆောင်အိတ် အထုပ်အပိုးများ သီးသန့်ပို့ဆောင်ခြင်းလုပ်ငန်းကို စတင်ခဲ့ကြောင်း သိရသည်။ လာအို-တရုတ်ရထားလမ်း ကုမ္ပဏီလီမိတက်၏ အဆိုအရ ယခင်က ခရီးသည်တင်ရထား၏ ကျန်ရှိသောထိုင်ခုံနေရာများတွင် ခရီးဆောင်အိတ်များ ရောနှောသယ်ယူခဲ့ရသဖြင့် ခရီးသည်များကို သက်ရောက်မှုရှိခဲ့ရာမှ ယခုအခါ ခရီးဆောင်အိတ်ရထားတွဲ သီးသန့်ထည့်သွင်းပြေးဆွဲခြင်းဖြင့် ပို့ဆောင်မှုစွမ်းရည်ကို တစ်ဆနှင့်အထက် မြှင့်တင်ပေးနိုင်မည် ဖြစ်သည်။ ယင်းလုပ်ငန်းကို ဗီယင်ကျန်း၊ ဘိုတန်၊ လွမ်ပရာဘွမ်၊ မိုဇိုင်နှင့် နာတေ စသည့် အဓိကဘူတာများတွင် လွှမ်းခြုံဆောင်ရွက်သွားမည်ဖြစ်ပြီး ခရီးစဉ်တစ်လျှောက် စည်းမျဉ်းများနှင့်အညီ စောင့်ကြည့်ထိန်းချုပ်သွားမည်ဖြစ်ကြောင်း သိရသည်။