ဂျပန်နိုင်ငံ၌ ကျင်းပမည့် BRIDGE Summer Camp 2026 သို့ မြန်မာကျောင်းသားလူငယ် ကိုယ်စားလှယ်အဖွဲ့ သွားရောက်တက်ရောက်မည်

ဂျပန်နိုင်ငံ၊ ဖူကူအိုကာမြို့၌ လာမည့် ဇူလိုင်လ ဒုတိယပတ်တွင် (၁၀) ရက်ကြာ ကျင်းပမည့် “အပြည်ပြည်ဆိုင်ရာ ကျောင်းသားလူငယ်များ တွေ့ဆုံပွဲ (BRIDGE Summer Camp 2026)” သို့ မြန်မာနိုင်ငံမှ Junior Ambassador ကျောင်းသားလူငယ် ကိုယ်စားလှယ်အဖွဲ့ သွားရောက်တက်ရောက်မည်ဖြစ်ကြောင်း သိရသည်။ အဆိုပါခရီးစဉ်အတွက် မြန်မာ-ဂျပန်ချစ်ကြည်ရေးအသင်း (MJA) နှင့် အာရှ-ပစိဖိတ် ကလေးများညီလာခံ (APCC) တို့ ပူးပေါင်းကာ အခြေခံပညာကျောင်းများမှ အသက် ၁၁ နှစ်နှင့် ၁၂ နှစ်အရွယ် ကျောင်းသား၊ ကျောင်းသူ (၆) ဦးကို စနစ်တကျ ရွေးချယ်ပြီး မတ်လကတည်းက စခန်းသွင်းလေ့ကျင့်မှုများ ပြုလုပ်ပေးခဲ့ခြင်းဖြစ်ပြီး၊ ယင်းတွေ့ဆုံပွဲသို့ အာရှ-ပစိဖိတ်ဒေသရှိ နိုင်ငံပေါင်း ၄၂ နိုင်ငံမှ လူငယ်ကိုယ်စားလှယ် ၂၀၀ ကျော် ပါဝင်တက်ရောက်မည်ဖြစ်ကြောင်း သိရသည်။