ထိုင်းနိုင်ငံ၊လွိုင်ပြည်နယ်၏ ရိုးရာသရဲမျက်နှာဖုံးပွဲတော်မှ ၃ ရက်အတွင်း ခရီးသွားလုပ်ငန်းဝင်ငွေ ဘတ် ၁၈၈ သန်းကျော် ရရှိရန် ခန့်မှန်းထား

ထိုင်းနိုင်ငံ လွိုင် (Loei) ပြည်နယ်ရှိ ဒါန်ဆိုင်း (Dan Sai) ခရိုင်တွင် ကျင်းပလျက်ရှိသည့် ၃ ရက်ကြာ ရိုးရာသရဲမျက်နှာဖုံးပွဲတော် (Phi Ta Khon Festival) သို့ လာရောက်လည်ပတ်သူ ဧည့်သည်ဦးရေ ၁ သိန်းကျော် ရှိမည်ဟု ခန့်မှန်းထားပြီး၊ ယင်းပွဲတော်မှတစ်ဆင့် ဒေသတွင်း ခရီးသွားကဏ္ဍနှင့် အခြေခံလူထု စီးပွားရေးအတွက် ဝင်ငွေ ဘတ် ၁၈၈ သန်းကျော် ရရှိစေမည်ဖြစ်ကြောင်း သိရသည်။ ယနေ့ ဇွန်လ ၂၁ ရက်တွင် ကျင်းပသည့် ပွဲတော်ဖွင့်ပွဲသို့ ပြည်ထဲရေးဝန်ကြီးလည်းဖြစ်သူ ဝန်ကြီးချုပ် အနုတင် တက်ရောက်ခဲ့ပြီး အဆိုပါ ရိုးရာယဉ်ကျေးမှုသည် နိုင်ငံ၏ အဖိုးတန်ရတနာတစ်ခုဖြစ်ကြောင်း ပြောကြားခဲ့ကာ၊ လက်ရှိတွင် ပွဲတော်ကြောင့် အနီးနားရှိ ဟိုတယ်၊ တည်းခိုခန်းနှင့် စားသောက်ဆိုင်များ၌ ခရီးသွားများဖြင့် စည်ကားလျက်ရှိပြီး ဒေသခံစီးပွားရေးလုပ်ငန်းများ ဝင်ငွေများစွာ ရရှိနေကြောင်း သိရသည်။