ရန်ကုန်တိုင်းဒေသကြီး၊ဒဂုံမြို့သစ် (ဆိပ်ကမ်း) မြို့နယ်၊ ဂန္ဓမာလမ်းတွင် သစ်ပင်လဲကျ၍ လမ်းပိတ်ဆို့မှုဖြစ်ပွား

ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း) မြို့နယ်၊ (၈၈) ရပ်ကွက်၊ ဂန္ဓမာလမ်းတွင် ယနေ့ ဇွန်လ ၂၁ ရက် ညနေ ၃ နာရီ ၅၈ မိနစ်အချိန်ခန့်က သစ်ပင်လဲကျမှုဖြစ်ပွားပြီး လမ်းပိတ်ဆို့နေကြောင်း သတင်းရရှိခဲ့သည်။ အဆိုပါသတင်းအရ ဒဂုံမြို့သစ် (ဆိပ်ကမ်း) မြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီး၊ သန္ဓေမီးသတ်တပ်ဖွဲ့ဝင်များနှင့်အတူ သွားရောက်ကာ ခရီးသွားပြည်သူများနှင့် မော်တော်ယာဉ်များ ဘေးအန္တရာယ်ကင်းရှင်းစွာ ပြန်လည်ဖြတ်သန်းသွားလာနိုင်ရေးအတွက် လမ်းပေါ်လဲကျနေသည့် သစ်ပင်များအား ခုတ်ထွင်ရှင်းလင်းရေးလုပ်ငန်းများ ဆောင်ရွက်ခဲ့ကြောင်း သိရသည်။