ပဲခူးတိုင်းဒေသကြီး၊ ရန်ကုန်-မန္တလေးလမ်းဟောင်း ညောင်အင်းကျေးရွာအနီး၌ သစ်ပင်လဲကျမှုကြောင့် လမ်းပိတ်ဆို့မှုဖြစ်ပွား

ပဲခူးတိုင်းဒေသကြီး၊ ပဲခူးမြို့နယ်၊ ညောင်အင်းကျေးရွာအနီး ရန်ကုန်-မန္တလေးလမ်းဟောင်းပေါ်တွင် ယနေ့ ဇွန်လ ၂၁ ရက် မွန်းလွဲ ၃ နာရီ မိနစ် ၅၀ ခန့်က သစ်ပင်လဲကျမှုဖြစ်ပွားပြီး လမ်းပိတ်ဆို့နေကြောင်း သတင်းရရှိခဲ့သည်။ အဆိုပါ သတင်းအရ ပဲခူးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များက ချက်ချင်းသွားရောက်ကာ ခရီးသွားပြည်သူများနှင့် မော်တော်ယာဉ်များ အဆင်ပြေချောမွေ့စွာ ဖြတ်သန်းသွားလာနိုင်ရေးအတွက် လမ်းပိတ်နေသည့် သစ်ပင်များအား ခုတ်ထွင်ရှင်းလင်းရေးလုပ်ငန်းများ ဆောင်ရွက်ခဲ့ကြောင်း သိရသည်။