ကရင်ပြည်နယ်၊ကော့ကရိတ်မြို့ရှိ အခြေခံအိမ်ထောင်စု ၃၀၀ အတွက် သထုံလူမှုကူညီရေးအသင်းက ဆန်များ လှူဒါန်း

ကရင်ပြည်နယ်၊ ကော့ကရိတ်မြို့ပေါ် ရပ်ကွက် (၇) ရပ်ကွက်ရှိ နာတာရှည်လူနာများ၊ မသန်စွမ်းသူများ၊ အသက် (၂) နှစ်အောက်ကလေးရှိသူများနှင့် အမျိုးသမီးဦးဆောင်သည့် အခြေခံအိမ်ထောင်စု (၃၀၀) အတွက် သထုံလူမှုကူညီရေးအသင်းက အိမ်ထောင်စုတစ်စုလျှင် ဆန် (၁၂) ပြည်နှုန်းဖြင့် ဇွန်လ ၂၀ ရက်တွင် ပေးအပ်လှူဒါန်းခဲ့ကြောင်း သိရသည်။ အဆိုပါ လှူဒါန်းမှုတွင် သထုံလူမှုကူညီရေးအသင်းက ပေးပို့လှူဒါန်းသည့် ဆန်များကို ကော့ကရိတ်မြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်နီနီအောင်နှင့် တာဝန်ရှိသူများက ဒေသခံပြည်သူများထံသို့ ထပ်ဆင့်လွှဲပြောင်း ဖြန့်ဝေလှူဒါန်းပေးခဲ့ခြင်း ဖြစ်ကြောင်း သိရသည်။