လာအိုနိုင်ငံ၊ ဗီယင်ကျန်းမြို့ရှိ Chao Anouvong အားကစားကွင်းကြီး ယခုနှစ် အောက်တိုဘာလတွင် အပြီးသတ်ရန် လျာထား

လာအိုနိုင်ငံ ဗီယင်ကျန်းမြို့လယ်ရှိ သမိုင်းဝင် Chao Anouvong အားကစားကွင်းကြီး (Chao Anouvong Stadium) ကို အကြီးစားပြန်လည်တည်ဆောက်မည့် စီမံကိန်းသည် လာမည့် ၂၀၂၆ ခုနှစ် အောက်တိုဘာလတွင် ရာနှုန်းပြည့် အပြီးသတ်နိုင်ရန် အစီအစဉ်အတိုင်း ချောမွေ့စွာ ခရီးတွင်လျက်ရှိကြောင်း ပညာရေးနှင့် အားကစားဝန်ကြီးဌာနက ထုတ်ပြန်ခဲ့သည်။အဆိုပါ စီမံကိန်းသည် ဂျပန်အစိုးရ၏ ထောက်ပံ့ကူညီမှုရန်ပုံငွေ ဂျပန်ယန်း ၄.၁၇ ဘီလီယံ (ကန်ဒေါ်လာ ၂၉ မီလီယံခန့်) ဖြင့် ကွင်းတစ်ခုလုံးကို ဖြိုဖျက်ကာ ခေတ်မီစံချိန်စံညွှန်းမီ အဆောက်အအုံအသစ်အဖြစ် ပြန်လည်တည်ဆောက်နေခြင်း ဖြစ်သည်။ ယခုပြန်လည်မွမ်းမံမှုပြီးစီးပါက အဆိုပါအားကစားကွင်းသည် လာအိုနိုင်ငံ၏ ပထမဦးဆုံးသော မသန်စွမ်းသူများပါ အဆင်ပြေချောမွေ့စွာ အသုံးပြုနိုင်မည့် အတားအဆီးမဲ့ ဒီဇိုင်း (Barrier-free / Inclusive sports facility) ဖြင့် တည်ဆောက်ထားသည့် အားကစားကွင်းကြီး ဖြစ်လာမည်ဖြစ်သည်။ ကွင်းအတွင်း ဘောလုံး၊ ရာဂ်ဘီ၊ ပြေးခုန်ပစ် အားကစားနည်းများအပြင် မသန်စွမ်းအားကစားပြိုင်ပွဲများနှင့် အမျိုးသားအဆင့် ယဉ်ကျေးမှုပွဲတော်များကိုပါ ဘေးကင်းစိတ်ချစွာ လက်ခံကျင်းပသွားနိုင်ရန် ရည်မှန်းထားသည်။