သစ္စာအားမာန်အသင်း၏ မတရားမှုများကို ဖွင့်ချခဲ့သည့် နောက်ခံလူ ဒီဇင်ဘာနှင်း ၄၈ နာရီကျော်ကြာ ပျောက်ဆုံးနေသဖြင့် ပရိသတ်များ စိုးရိမ်ပူပန်နေ

ပြည်ထဲရေးဝန်ကြီးဌာနအခြေပြု သစ္စာအားမာန်အမျိုးသမီးဘောလုံးအသင်း၏ အုပ်ချုပ်သူများ ခြစားမှုနှင့် ကစားသမားများကို ထမင်းနပ်မှန်အောင် မကျွေးသည့်ကိစ္စရပ်များအား ဇွန်လ ၁၇ ရက် ပွဲပြီးအင်တာဗျူးတွင် ထုတ်ဖော်ပြောဆိုခဲ့သည့် နောက်ခံလူ ဒီဇင်ဘာနှင်းမှာ လက်ရှိတွင် ၂ ရက် (၄၈ နာရီ) ကျော်ကြာသည်အထိ အဆက်အသွယ်မရဘဲ ပျောက်ဆုံးနေကြောင်း သိရသည်။ ၎င်းပျောက်ဆုံးမှုနှင့်ပတ်သက်၍ အသင်းဖော်များနှင့် အသင်းအုပ်ချုပ်သူများဘက်က တစ်စုံတစ်ရာ ထုတ်ပြန်ရှင်းလင်းခြင်း မရှိသေးသဖြင့် လူမှုကွန်ရက်နှင့် ဘောလုံးပရိသတ်များအကြား ကစားသမား၏ အသက်အန္တရာယ်နှင့် လုံခြုံရေးအတွက် အထူးစိုးရိမ်ပူပန်မှုများ မြင့်တက်နေပြီး၊ သက်ဆိုင်ရာအနေဖြင့် ဒီဇင်ဘာနှင်း၏ လုံခြုံရေးအခြေအနေကို တရားဝင်သတင်းထုတ်ပြန်ပေးရန်နှင့် အသင်းတွင်းမတရားမှုများကို ရှင်းလင်းပေးရန် ပြည်သူများက ပြင်းပြင်းထန်ထန် ဖိအားပေးတောင်းဆိုနေကြသည်။