၂၀၂၆ ကမ္ဘာ့ဖလားအထိမ်းအမှတ် ရွှေဒင်္ဂါးနှင့် ငွေဒင်္ဂါးများကို အမေရိကန်ဒင်္ဂါးစက်ရုံက ထုတ်လုပ်ရောင်းချမည်

အမေရိကန်နိုင်ငံတွင် ကမ္ဘာ့အဆင့်ပြိုင်ပွဲကြီး ကျင်းပခြင်းကို ဂုဏ်ပြုသည့်အနေဖြင့် အမေရိကန်ဒင်္ဂါးစက်ရုံက ၂၀၂၆ ဖီဖာကမ္ဘာ့ဖလားအထိမ်းအမှတ် ဆင့် ၅၀ တန် ငွေဒင်္ဂါးနှင့် ၅ ဒေါ်လာတန် ရွှေဒင်္ဂါးများကို ဖီလာဒယ်ဖီးယားဒင်္ဂါးစက်ရုံ၌ ၂၀၂၆ ခုနှစ်အတွင်း ထုတ်လုပ်သွားမည်ဖြစ်ကြောင်း ကြေညာခဲ့သည်။ အဆိုပါအမှတ်တရ အကြွေစေ့များကို အစစ်အမှန်ဖြစ်ကြောင်း တရားဝင်အထောက်အထားများနှင့်အတူ ထွက်ရှိလာမည်ဖြစ်ပြီး၊ ဒင်္ဂါးဒီဇိုင်းများတွင် ဘောလုံးသမားတစ်ဦး၏ နောက်ပြန်ကန်ချက်ပုံ၊ ဂဏန်း ၂၆၊ လက်သုံးချောင်းဖြင့် ဖီဖာကမ္ဘာ့ဖလားဆုကို ကိုင်မြှောက်ထားသည့်ပုံများအပြင် "Liberty"၊ "In god we trust" နှင့် "United States of America" စသည့် စာသားများ ထည့်သွင်းရိုက်နှိပ်ထားမည်ဖြစ်ကြောင်း သိရသည်။