ဆော်ဒီအာရေဗျနှင့်ပွဲတွင် ပါဝင်ကစားရန် စပိန်တိုက်စစ်ကစားသမား ယမားလ် အသင့်ဖြစ်နေ

စပိန်တိုက်စစ်ကစားသမား လာမင်းယမားလ်က လာမည့်တနင်္ဂနွေနေ့တွင် ဆော်ဒီအာရေဗျအသင်းနှင့် ယှဉ်ပြိုင်ရမည့် ကမ္ဘာ့ဖလားပွဲစဉ်အတွက် အသင့်ဖြစ်နေပြီဟု ပြောကြားခဲ့သော်လည်း လက်ရှိကြံ့ခိုင်မှုအခြေအနေအရ ပွဲချိန်ပြည့်ကစားနိုင်ဦးမည်မဟုတ်ကြောင်း သိရသည်။ ကိတ်ဗက်အသင်းနှင့် ဂိုးမရှိသရေကျခဲ့သည့်ပွဲတွင် မိနစ် ၇၀ ကျော်မှ လူစားဝင်ကစားခဲ့ရသည့် ယမားလ်က နည်းပြအလိုရှိသလောက် မိနစ်အတိုင်းအတာအထိ ဝင်ရောက်ကူညီသွားမည်ဟု ဝန်ခံခဲ့သည်။ စပိန်အသင်းသည် ပြီးခဲ့သည့်ပွဲ၌ ဂိုးကန်သွင်းခွင့် ၂၇ ကြိမ်အထိ ရခဲ့သော်လည်း ဂိုးမရခဲ့ဘဲ၊ ယမားလ် ဝင်ရောက်ကစားခဲ့သည့် မိနစ် ၃၀ အတွင်းတွင်မူ ကစားကွက်သိသိသာသာ ပြောင်းလဲလာကာ ၎င်းကိုယ်တိုင်လည်း တစ်ဦးချင်းဖြတ်ကျော်နိုင်မှု ၅ ကြိမ်အထိ ပြုလုပ်နိုင်ခဲ့ကြောင်း သိရသည်။