သံတမန်ရေးရာကိစ္စရပ်များအတွက် မြေနှင့် အဆောက်အအုံများ ထပ်မံဝယ်ယူမည့် မြန်မာနိုင်ငံ၏ တောင်းဆိုချက်ကို ထိုင်းအစိုးရအဖွဲ့ အတည်ပြု

မြန်မာနိုင်ငံအနေဖြင့် ထိုင်းနိုင်ငံတွင် သံတမန်ရေးနှင့် ကောင်စစ်ဝန်ရုံးကိစ္စရပ်များအတွက် မြေနှင့် အဆောက်အအုံများ ထပ်မံဝယ်ယူခွင့်ပြုမည့် သဝဏ်လွှာအပြန်အလှန်လဲလှယ်ရေးမူကြမ်းကို ထိုင်းအစိုးရအဖွဲ့က အတည်ပြုလိုက်ကြောင်း ထိုင်းအစိုးရ ဒုတိယပြောရေးဆိုခွင့်ရှိသူ လာလီတာ ဖတ်သီရိဝပ်တနာက ကြာသပတေးနေ့တွင် ပြောကြားခဲ့သည်။ ထိုင်းနိုင်ငံ နိုင်ငံခြားရေးဝန်ကြီးဌာနက တင်ပြထားသည့် အဆိုပါအဆိုပြုချက်သည် ထိုင်းနှင့် မြန်မာ နှစ်နိုင်ငံစလုံး၏ နယ်မြေများအတွင်း သံရုံးနှင့် ကောင်စစ်ဝန်ရုံးလုပ်ငန်းများအတွက် မြေနှင့် အဆောက်အအုံများကို အပြန်အလှန် ပိုင်ဆိုင်ခွင့်ပြုမည့် ကိစ္စရပ်ဖြစ်ကြောင်း သိရသည်။