ဟောင်ကောင်တွင် မိုးသည်းထန်စွာရွာသွန်း၍ အမြင့်ဆုံး အနက်ရောင်သတိပေးချက်ထုတ်ပြန်

ဟောင်ကောင်မိုးလေဝသဌာနက ဇွန်လ ၁၈ ရက် မွန်းလွဲပိုင်းတွင် တစ်နာရီလျှင် မိုးရေချိန် ၇၀ မီလီမီတာကျော်အထိ မိုးသည်းထန်စွာရွာသွန်းမှုကြောင့် မိုးရွာသွန်းမှုဆိုင်ရာ အမြင့်ဆုံးအဆင့်ဖြစ်သည့် အနက်ရောင် (Black Rainstorm Warning) သတိပေးချက်ကို ထုတ်ပြန်ခဲ့ပြီး စာသင်ကျောင်းများ ပိတ်ထားရန်နှင့် လုပ်ငန်းအချို့ကို ယာယီရပ်နားထားရန် ညွှန်ကြားခဲ့ကြောင်း သိရသည်။ ယခုထုတ်ပြန်ချက်သည် ၂၀၂၆ ခုနှစ်အတွင်း ဇွန်လ ၈ ရက်နေ့က ပထမအကြိမ် ထုတ်ပြန်ခဲ့ပြီးနောက် ဒုတိယအကြိမ်မြောက် အနက်ရောင်သတိပေးချက် ထုတ်ပြန်ခြင်းဖြစ်ပြီး ရှေ့ဆက်၍လည်း မိုးသည်းထန်စွာ ဆက်လက်ရွာသွန်းနိုင်သေးကြောင်း သိရသည်။