စင်ကာပူ၌ သွေးလွန်တုပ်ကွေးဖြစ်ပွားသူ ၁၁၉ ဦးအထိ မြင့်တက်လာပြီး ကူးစက်မှုအန္တရာယ် ပိုမိုများပြားလာနိုင်ကြောင်း အေဂျင်စီသတိပေး

စင်ကာပူနိုင်ငံတွင် ရက်သတ္တပတ်အတွင်း သွေးလွန်တုပ်ကွေး (Dengue) ကူးစက်ခံရသူ ၁၁၉ ဦးအထိ ရှိလာခဲ့ပြီး ယခင်အပတ်ကထက် ၃၉ ဦး ပိုမိုမြင့်တက်လာကြောင်း အမျိုးသားပတ်ဝန်းကျင်ထိန်းသိမ်းရေးအေဂျင်စီ (NEA) က ဇွန်လ ၁၆ ရက် (မနေ့က) တွင် ထုတ်ပြန်ခဲ့သည်။ ဤပမာဏသည် ၂၀၂၆ ခုနှစ်အတွင်း တစ်ပတ်အတွင်း ကူးစက်မှုအမြင့်ဆုံး စံချိန်တင်ကိန်းဂဏန်းလည်း ဖြစ်သည်။

စင်ကာပူနိုင်ငံသည် ပုံမှန်အားဖြင့် မေလမှ အောက်တိုဘာလအထိ သွေးလွန်တုပ်ကွေး အဖြစ်များဆုံး ကမ္ဘာ့အမြင့်ဆုံးကာလ (Peak season) သို့ ဝင်ရောက်နေခြင်းဖြစ်ပြီး၊ လက်ရှိတွင် နိုင်ငံတစ်ဝန်း၌ ကူးစက်မှုအုပ်စု (Active clusters) ၁၂ ခုအထိ ရှိနေကာ ၎င်းတို့အနက် ၄ ခုကို ကူးစက်မှု ၁၀ ဦးထက်မကရှိသည့် အနီရောင်အဆင့် သတိပေးချက် (Red-alert clusters) အဖြစ် သတ်မှတ်ထားသည်။ NEA ၏ ထုတ်ပြန်ချက်အရ စင်ကာပူ၏ အပူပိုင်းရာသီဥတုနှင့် လူဦးရေသိပ်သည်းဆ မြင့်မားမှုတို့သည် ခြင်များပေါက်ဖွားရန်နှင့် ဗိုင်းရပ်စ်ပွားများမှုကို ပိုမိုမြန်ဆန်စေကြောင်း ဖော်ပြထားပြီး၊ ပြည်သူများအနေဖြင့် နေအိမ်များနှင့် ပတ်ဝန်းကျင်တွင် ရေတင်ကျန်နိုင်သည့် ပန်းအိုးခွက်ယောက်များ၊ ရေပုံးများကို မှောက်ထားခြင်းနှင့် ရေလဲလှယ်ခြင်းစသည့် ခြင်ပေါက်ဖွားမှု ကာကွယ်ရေးလုပ်ငန်း (Mozzie Wipeout) များကို အထူးဂရုပြု လုပ်ဆောင်ကြရန် နှိုးဆော်ထားသည်။