ကမ္ဘောဒီးယား ကမ်ပုံစပူးပြည်နယ်တွင် လေပြင်းမုန်တိုင်းတိုက်ခတ်မှုကြောင့် ကျေးရွာ ၆ ရွာရှိ နေအိမ် ၃၅၀ ကျော် ပျက်စီး

ကမ္ဘောဒီးယားနိုင်ငံ ကမ်ပုံစပူးပြည်နယ်တွင် ဇွန်လ ၁၅ ရက် (တနင်္လာနေ့) မွန်းလွဲပိုင်းက မိုးသည်းထန်စွာရွာသွန်းပြီး လေပြင်းမုန်တိုင်း တိုက်ခတ်ခဲ့မှုကြောင့် ချမ်ဘော့ခ်နှင့် ထရာပိန်ပေါ အပါအဝင် ကျေးရွာခြောက်ရွာရှိ နေအိမ် ၃၅၀ ကျော် ပျက်စီးခဲ့ကြောင်း ဒေသဆိုင်ရာ အာဏာပိုင်များက ထုတ်ပြန်သည်။ အဆိုပါ သဘာဝဘေးအန္တရာယ်ကြောင့် လူထိခိုက်ဒဏ်ရာရရှိမှု မရှိသော်လည်း ပြင်းထန်သော ရာသီဥတုအခြေအနေများ ဆက်လက်ဖြစ်ပေါ်နိုင်သဖြင့် ဒေသခံပြည်သူများ သတိထားနေထိုင်ကြရန် အာဏာပိုင်များက သတိပေးထားပြီး၊ ပျက်စီးဆုံးရှုံးမှု အခြေအနေများကို သက်ဆိုင်ရာတာဝန်ရှိသူများက ဆက်လက်စစ်ဆေးလျက်ရှိကြောင်း သိရသည်။