မလေးရှား၌ အစ္စလာမ်နှစ်သစ်ကူး Ma’al Hijrah အမျိုးသားအဆင့် ပွဲတော်ကို ပူထရာဂျာယာမြို့၌ စတင်ကျင်းပ

မလေးရှားနိုင်ငံ၏ အမျိုးသားအဆင့် မာအလ် ဟီဂျရဟ် (Ma’al Hijrah - ၁၄၄၈ ခုနှစ်) အစ္စလာမ်နှစ်သစ်ကူးပွဲတော်ကို ဇွန်လ ၁၆ ရက် (ယမန်နေ့) မွန်းလွဲပိုင်းမှစတင်ကာ ပူထရာဂျာယာမြို့ရှိ Putra ဗလီ၌ ဝတ်ပြုဆုတောင်းမှု၊ တရားတော်နာယူမှုများဖြင့် စတင်ကျင်းပနေပြီဖြစ်သည်။ပွဲတော်၏ အဓိကအခမ်းအနားကြီးကို ဇွန်လ ၁၇ ရက် (ယနေ့) မနက်ပိုင်းတွင် ဆက်လက်ကျင်းပသွားမည်ဖြစ်ပြီး၊ ပီရက်ခ်ပြည်နယ်၏ ဆူလတန်မင်းမြတ် Sultan Nazrin Shah ကိုယ်တိုင် တက်ရောက်ကာ အမျိုးသားနှင့် နိုင်ငံတကာအဆင့် စံပြဆု (Tokoh Ma’al Hijrah Awards) များကို ချီးမြှင့်ပေးအပ်သွားမည်ဖြစ်သည်။ ယခုနှစ်ပွဲတော်သို့ ဒုတိယဝန်ကြီးချုပ်၊ ဝန်ကြီးများအပါအဝင် ဧည့်သည်တော်ပေါင်း ၅,၀၀၀ ခန့် တက်ရောက်ရန် မျှော်မှန်းထားပြီး၊ ယခုနှစ်အတွက် သတ်မှတ်ထားသည့် ဆောင်ပုဒ်မှာ မလေးရှားနိုင်ငံ၏ အနာဂတ်မျှော်မှန်းချက်များနှင့်အညီ စည်းလုံးညီညွတ်ပြီး ကြံ့ကြံ့ခံနိုင်သော အစ္စလာမ်လူအဖွဲ့အစည်း တည်ဆောက်ရေးကို ရည်ညွှန်းထားကြောင်း သိရသည်။