မန္တလေးမြို့၊ မဟာမုနိဘုရားကြီး၌ ဝါဆိုခြင်းအလှခတ်ပွဲတော် စတင် ကျင်းပ

မြန်မာ့ရိုးရာခြင်းခတ်ပညာ အားကစားကို မြတ်မြတ်နိုးနိုးတန်ဖိုးထားစေရန်နှင့် မတိမ်ကော မပပျောက်အောင် ထိန်းသိမ်းရန် ရည်ရွယ်၍ မန္တလေးမြို့ မဟာမုနိဘုရားကြီး၌ (၉၈) ကြိမ်မြောက် ဝါဆိုခြင်းအလှခတ်ပွဲတော်ကို ဇွန်လ ၁၆ ရက် (ယနေ့) နံနက် ၈ နာရီခွဲတွင် ဂေါပကအဖွဲ့ဝင်များက ဖဲကြိုးဖြတ်၍ စတင်ဖွင့်လှစ်ကျင်းပခဲ့သည်။ အဆိုပါ ပွဲတော်တွင် မြန်မာနိုင်ငံဒေသအသီးသီးမှ ရိုးရာခြင်းအသင်းပေါင်း ၉၀၀ ပါဝင်ပြီး ၄၅ ရက်တိုင်တိုင် စည်ကားသိုက်မြိုက်စွာ ခြင်းအလှခတ်ကစား ပြသသွားမည်ဖြစ်ကြောင်း သိရသည်။