ပဲခူးတိုင်း၊ကညွှတ်ကွင်းမြို့တွင် အမွှာနှစ်ဦးအပါအဝင် တစ်အိမ်တည်းက မောင်နှမ ၃ ဦး မြေတူးဖော်ထားသည့် ရေအိုင်အတွင်း ရေနစ်သေဆုံး

ပဲခူးတိုင်း၊ ကညွှတ်ကွင်းမြို့၊ ခင်တန်းရပ်ကွက်ရှိ သင်္ချိုင်းကုန်းအနီး မြေတူးဖော်ထားသည့် ရေအိုင်တစ်ခုအတွင်း ဇွန်လ ၁၅ ရက်နေ့ နေ့လယ်ပိုင်းက လူကြီးများမရှိခိုက် ကစားရာမှတစ်ဆင့် အသက် ၁၂ နှစ်အရွယ် အမွှာမောင်နှမနှစ်ဦးနှင့် အသက် ၇ နှစ်အရွယ် မိန်းကလေးငယ်တစ်ဦး (စုစုပေါင်း မောင်နှမ ၃ ဦး) ရေနစ်သေဆုံးမှု ဖြစ်ပွားခဲ့ကြောင်း ဒေသခံများထံမှ သိရသည်။ သေဆုံးသူ ကလေးငယ်များ၏ ရုပ်အလောင်းများကို ကညွှတ်ကွင်းမြို့ နာရေးကူညီမှုအသင်းက ဆေးရုံသို့ ပို့ဆောင်စစ်ဆေးပေးခဲ့ပြီးနောက် နေအိမ်သို့ ပြန်လည်ပို့ဆောင်ပေးခဲ့ကြောင်း သိရပြီး၊ လတ်တလောတွင် ကလေးငယ်များ ရေနစ်သေဆုံးမှု ဖြစ်စဉ်များ မကြာခဏ ဖြစ်ပွားလျက်ရှိသဖြင့် မိဘများအနေဖြင့် မိမိတို့၏ ကလေးငယ်များကို အနီးကပ်ဂရုစိုက် စောင့်ရှောက်ကြရန် လူမှုကူညီရေးအဖွဲ့များက တိုက်တွန်းနှိုးဆော်ထားသည်။