ကမ္ဘောဒီးယားက ကမ္ဘာ့ထောက်ပံ့ရေးကွင်းဆက် စိန်ခေါ်မှုများအကြား ပြည်တွင်းထုတ်လုပ်မှု မြှင့်တင်ရေးကို အနာဂတ်စီးပွားရေး ရည်မှန်းချက်အဖြစ် အလေးပေးလုပ်ဆောင်

ကမ္ဘောဒီးယားနိုင်ငံသည် ဂျီအိုပနိုလစ်တစ် တင်းမာမှုများ၊ ကုန်သွယ်ရေး အနှောင့်အယှက်များနှင့် စားသုံးသူများ၏ လိုလားချက် အပြောင်းအလဲများကြောင့် ကမ္ဘာ့ထောက်ပံ့ရေးကွင်းဆက် (Global supply chains) များ ထိခိုက်လွယ်လာချိန်တွင် စီးပွားရေးကြံ့ကြံ့ခံနိုင်ရည်ရှိရန်၊ အလုပ်အကိုင်ဖန်တီးရန်နှင့် ရေရှည်တည်တံ့သော တိုးတက်မှုရရှိရန်အတွက် ပြည်တွင်းထုတ်လုပ်မှုစွမ်းအား မြှင့်တင်ရေးကို အဓိကဗျူဟာအဖြစ် အလေးထား ဆောင်ရွက်လျက်ရှိသည်။ မူဝါဒချမှတ်သူများနှင့် လုပ်ငန်းကျွမ်းကျင်သူများက သွင်းကုန်အပေါ် မှီခိုနေရမှုကို လျှော့ချရန်၊ ပြည်တွင်းအရင်းအမြစ်များကို တန်ဖိုးမြှင့်ထုတ်ကုန်များအဖြစ် ပြောင်းလဲရန်နှင့် ပြည်တွင်းစီးပွားရေးလုပ်ငန်းများအတွက် အခွင့်အလမ်းသစ်များ ဖန်တီးပေးရန် တိုက်တွန်းထားကြသည်။အထူးသဖြင့် စိုက်ပျိုးရေးကဏ္ဍတွင် ပြည်တွင်း၌ ပြုပြင်ထုတ်လုပ်မှုစွမ်းရည် (Processing capacity) ကို မြှင့်တင်ခြင်းဖြင့် လယ်သမားများအတွက် တည်ငြိမ်သော ဈေးကွက်ရရှိစေကာ စိုက်ပျိုးရေးထုတ်ကုန်များ၏ တန်ဖိုးကို မြှင့်တင်ပေးနိုင်မည်ဖြစ်သည်။ ပြည်တွင်းဖြစ် ထုတ်ကုန်များ ရေရှည်တည်တံ့ပြီး ပြည်တွင်း၊ ပြည်ပဈေးကွက်များတွင် ယှဉ်ပြိုင်နိုင်စွမ်းရှိစေရန်အတွက် လုံလောက်သော ကုန်စည်ပမာဏရှိရမည့်အပြင်၊ ဈေးကွက်ဝယ်လိုအားနှင့် ကိုက်ညီပြီး စားသုံးသူများ၏ ယုံကြည်မှုကို ရရှိစေမည့် အရည်အသွေးမြင့် စံချိန်စံညွှန်းများ ဖြစ်ရမည်ဖြစ်သည်။ ပြည်တွင်းထုတ်လုပ်မှုကို တွန်းအားပေးခြင်းဖြင့် လက်ရှိ ကမ္ဘာ့စီးပွားရေး မရေရာမှုများအကြား ကမ္ဘောဒီးယား၏ ရေရှည်ဖွံ့ဖြိုးတိုးတက်မှု ရည်မှန်းချက်များကို အထောက်အကူပြုနိုင်မည်ဖြစ်ကြောင်း ကျွမ်းကျင်သူများက သုံးသပ်ထားသည်။