ခရီးသွားဧည့်လမ်းညွှန်များအနေဖြင့် လိုင်စင်မရှိဘဲလုပ်ကိုင်ပါက အရေးယူခံရမည်

ခရီးသွားဧည့်လမ်းညွှန်များအနေဖြင့် နိုင်ငံတော်က တရားဝင်ထုတ်ပေးထားသော လုပ်ငန်းလုပ်ကိုင်ခွင့်လိုင်စင်မရှိဘဲ လုပ်ကိုင်ပါက ဟိုတယ်နှင့်ခရီးသွားလာရေး ဥပဒေဆိုင်ရာလုပ်ထုံးလုပ်နည်းများအရ ထောင်ဒဏ် ၃ နှစ်နှင့် ဒဏ်ငွေကျပ် ၅၀,၀၀၀ အထိ ချမှတ်အရေးယူခံရမည်ဖြစ်ကြောင်း သိရသည်။ ထို့ပြင် ဒေသဆိုင်ရာ ဧည့်လမ်းညွှန်များ လိုင်စင်မရှိဘဲ လုပ်ကိုင်နေသည်ကို တွေ့ရှိပါက ဟိုတယ်နှင့် ခရီးသွားလာရေးညွှန်ကြားမှုဦးစီးဌာနသို့ အထောက်အထားအပြည့်အစုံဖြင့် တိုင်ကြားနိုင်ကြောင်းလည်း သတင်းထုတ်ပြန်ချက်အရ သိရသည်။