နိုင်ငံအတွင်း စက်သုံးဆီ ရက်ပေါင်း ၆၀ စာ လုံလောက်မှုရှိကြောင်းနှင့် ပုံမှန်အတိုင်းသာ ဝယ်ယူကြရန် အသိပေးထုတ်ပြန်

မြန်မာနိုင်ငံအတွင်း စက်သုံးဆီဖူလုံမှုမှာ ရက်ပေါင်း ၆၀ စာအတွက် လုံလောက်မှုရှိကြောင်း လျှပ်စစ်နှင့် စွမ်းအင်ဝန်ကြီးဌာနက မေလ ၁ ရက်နေ့တွင် ထုတ်ပြန်ကြေညာခဲ့သည်။ ထို့ကြောင့် မိဘပြည်သူများအနေဖြင့် လိုအပ်သည်ထက် ပိုမိုဝယ်ယူသိုလှောင်ခြင်းမပြုဘဲ လိုအပ်သလောက်သာ ဝယ်ယူသုံးစွဲရန်နှင့် ကမ္ဘာ့စက်သုံးဆီဈေးနှုန်းများ မြင့်တက်နေသော်လည်း ပြည်တွင်းဈေးနှုန်း တည်ငြိမ်စေရန် အစိုးရက ကြပ်မတ်ဆောင်ရွက်နေကြောင်း သိရသည်။ လက်ရှိတွင် စက်သုံးဆီအရောင်းဆိုင်များ၌ ဖြန့်ဖြူးမှုမှာ ပုံမှန်အခြေအနေတွင် တည်ငြိမ်လျက်ရှိပြီး၊ ပြည်သူများ၏ ပူးပေါင်းပါဝင်မှုအပေါ် ဝန်ကြီးဌာနအနေဖြင့် ကျေးဇူးတင်ရှိကြောင်း ဖော်ပြထားပါသည်။