ပြည်တွင်း စက်သုံးဆီဈေး အနည်းငယ်ထပ်ကျ

အီရန်စစ်ပွဲတွေကြောင့် ဖေဖော်ဝါရီလကုန်ပိုင်းကစပြီး ဈေးအဆမတန်မြင့်တက်ခဲ့တဲ့ စက်သုံးဆီဈေးက ဒီတစ်ပတ် အနည်းငယ်ထပ်ကျခဲ့ပါတယ်။အပတ်စဉ် သောကြာတိုင်း သတ်မှတ်တဲ့ ရည်ညွှန်းဈေးအရ ဒီတစ်ပတ် ရန်ကုန်မှာ စက်သုံးဆီဈေးက ဓာတ်ဆီ 92တစ်လီတာ ၄,၅၁၅ကျပ် ၊ ဓာတ်ဆီ 95 တစ်လီတာ ၄,၆၇၀ကျပ်၊ ဒီဇယ်ဆီ တစ်လီတာ ၅,၂၇၅ကျပ်နဲ့ ပရီမီယံဒီဇယ် ၆,၄၅၅ကျပ် သတ်မှတ်ထားပါတယ်။ဒီဈေးက ပြီးခဲ့တဲ့ တစ်ပတ်ရည်ညွှန်းဈေးနဲ့ယှဉ်ရင် 92တစ်လီတာ ၁၅၃ ကျပ် ၊ 95 တစ်လီတာ ၂၃၉ ကျပ်၊ ဒီဇယ်ဆီ တစ်လီတာ ၄၇၇ ကျပ်နဲ့ ပရီမီယံဒီဇယ် ၅၅၇ကျပ် ကျသွားတာပါ။အီရန်စစ်ပွဲတွေကြောင့် ပြည်တွင်းစက်သုံးဆီဈေးက ဖေဖော်ဝါရီ လကုန်ပိုင်းကစတင်ပြီး ခြောက်ပတ်ဆက်တိုက်မြင့်တတ်ခဲ့တာပါ။ခြောက်ပတ်အတွင်းမှာ ‌ စက်သုံးဆီအမျိုးအစားအလိုက် တစ်လီတာကို ငွေကျပ် ၂,၄၀၀ ကနေ ၅,၀၀၀ အထိ ဈေးတတ်သွားခဲ့တာဖြစ်ပြီး ဈေးပြန်ကျချိန်မှာတော့ ဖြည်းဖြည်းချင်းသာပြန်ကျနေတာဖြစ်ပါတယ်။