ထိုင်းနိုင်ငံမှ ခွင့်ဖြင့် မြန်မာနိုင်ငံသို့ ပြန်လည်ဝင်ရောက်မည့် အလုပ်သမားများ ထောက်ခံစာတစ်စောင်လျှင် ဘတ် ၁၅၀ ဖြင့် လျှောက်ထားနိုင်

ထိုင်းနိုင်ငံမှ ခွင့်ဖြင့် မြန်မာနိုင်ငံသို့ ပြန်လည်ဝင်ရောက်မည့် အလုပ်သမားများ ထောက်ခံစာတစ်စောင်လျှင် ဘတ် ၁၅၀ ဖြင့် လျှောက်ထားနိုင်ကြောင်း ထိုင်းနိုင်ငံ ဘန်ကောက်မြို့ရှိ မြန်မာသံရုံးက ဧပြီ ၂၉ ရက်တွင် ထုတ်ပြန်သည်။ ၂၀၂၆ ခုနှစ်၊ မေ ၅ ရက်မှစတင်၍ Passport မျက်နှာပြင်မိတ္တူနှင့် သက်တမ်းရှိဗီဇာ စာမျက်နှာမိတ္တူ၊ မှတ်ပုံတင်မိတ္တူ၊ OWIC ကတ်မိတ္တူ (OWIC လျှောက်ထားခဲ့စဉ်က တင်ပြခဲ့သည့် လုပ်ငန်းခွင်မှ အခြားလုပ်ငန်းခွင်သို့ ပြောင်းလဲလုပ်ကိုင်ခဲ့ပါက အလုပ်ပြောင်းရွှေ့စာ ပူးတွဲတင် ပြရန် လိုအပ်ပါမည်။)၊ Work Permit မိတ္တူ၊ ကုမ္ပဏီ/ဌာန/အလုပ်ရှင်ခွင့်စာ၊ လေယာဉ်လက်မှတ်မိတ္တူ၊ Bangkok Bank ရှိ သံရုံး၏ ငွေစာရင်းအမှတ် 101-348-1922 (Embassy of the Republic of the Union of Myanmar) သို့ တစ်စောင်လျှင် ဘတ် ၁၅၀/- ပေးသွင်းပြီး ကြောင်း ဘဏ်ချလံမူရင်း စသည်တို့နှင့် လာရောက် လျှောက်ထားနိုင်သည် ဖြစ်ကြောင်း သိရသည်။