ထိုင်းနိုင်ငံ၊ Khon Kaen မြို့တွင် ၄ နှစ်သမီးငယ်လေး ကားထဲ၌ ပိတ်မိကာ အသက်ရှူကျပ်သေဆုံး

ထိုင်းနိုင်ငံ၊ Khon Kaen မြို့တွင် အသက် ၄ နှစ်အရွယ် မိန်းကလေးငယ်တစ်ဦးသည် ပူပြင်းသည့်ရာသီဥတုအောက်၌ ကားထဲတွင် အချိန်အတော်ကြာ ပိတ်မိနေခဲ့ရာမှ အသက်ရှူကျပ်ကာ ဧပြီလ ၂၈ ရက်နေ့က ဝမ်းနည်းဖွယ် သေဆုံးသွားခဲ့သည်။ မိခင်ဖြစ်သူက သမီးဖြစ်သူအား အဘွားအိမ်သို့ သွားနေသည်ဟု ထင်မှတ်ကာ အိမ်ထဲတွင် အနားယူနေစဉ် ကလေးငယ်မှာ ကားနောက်ဖုံးတံခါးမှတစ်ဆင့် တစ်ဦးတည်း ကားထဲသို့ ဝင်ရောက်စောင့်ဆိုင်းနေခဲ့ခြင်းဖြစ်ကြောင်း CCTV မှတ်တမ်းများအရ သိရသည်။ မိခင်ဖြစ်သူ အပြင်သွားရန် ထွက်လာချိန်တွင် ကလေးငယ်ကို သတိလစ်လျက် တွေ့ရှိခဲ့ရသော်လည်း ကယ်ဆယ်ရန် အချိန်နှောင်းသွားခဲ့ပြီဖြစ်ပြီး လက်ရှိတွင် ရဲတပ်ဖွဲ့က သေဆုံးရသည့် အကြောင်းရင်း အတိအကျကို ဆက်လက်စစ်ဆေးလျက်ရှိပါသည်။