နီပေါနိုင်ငံ ခတ္တမန္ဒူမြို့တွင် လေထုညစ်ညမ်းမှု အဆိုးရွားဆုံးအဆင့်သို့ ရောက်ရှိနေ

နီပေါနိုင်ငံ၏ မြို့တော် ခတ္တမန္ဒူသည် ပြီးခဲ့သည့် တနင်္ဂနွေနေ့က လေထုအရည်အသွေးအညွှန်းကိန်း (AQI) ၁၉၂ အထိ မြင့်တက်ခဲ့ပြီး ကမ္ဘာ့လေထုညစ်ညမ်းမှု အဆိုးရွားဆုံးမြို့အဖြစ် ထိပ်ဆုံး၌ ရပ်တည်ခဲ့သည်။ တောမီးမှ ထွက်ပေါ်လာသည့် မီးခိုးငွေ့များနှင့် ဆောက်လုပ်ရေးဖုန်မှုန့်များ ပေါင်းစပ်ကာ ထူထဲသော မြူခိုးများ ဖုံးလွှမ်းနေသည့်အတွက် မြင်နိုင်စွမ်း သိသိသာသာ လျော့ကျကာ ထရီဗူဗန် အပြည်ပြည်ဆိုင်ရာလေဆိပ်၏ လုပ်ငန်းဆောင်တာများကိုပါ ထိခိုက်စေခဲ့သည်။ လက်ရှိ လေထုအခြေအနေမှာ ကျန်းမာရေးနှင့် မညီညွတ်သော အဆင့်ဖြစ်သဖြင့် ဒေသခံပြည်သူများအနေဖြင့် ပြင်ပသို့ ထွက်ခွာခြင်းကို ကန့်သတ်ရန်နှင့် မဖြစ်မနေ ထွက်ရပါက Mask တပ်ဆင်ရန် ကျန်းမာရေးတာဝန်ရှိသူများက သတိပေးနှိုးဆော်ထားပါသည်။