ထိုင်း ကွန်ဒိုတွေ ဝယ်ယူမှု၌ မြန်မာက အမေရိကန် နဲ့ တရုတ်ကို ကျော်၍ အများဆုံးမြင့်မားလာ

ထိုင်းနိုင်ငံရဲ့ ကွန်ဒိုမီနီယံဈေးကွက်မှာ အဓိကဝယ်ယူနေကျဖြစ်တဲ့ တရုတ်နဲ့ အမေရိကန်နိုင်ငံသားတွေရဲ့ ဝယ်ယူမှုနှုန်းဟာ ပြီးခဲ့တဲ့ ၂၀၂၅ ခုနှစ်အတွင်းမှာ သိသိသာသာ ကျဆင်းသွားခဲ့ပါတယ်။ အိမ်ခြံမြေ သတင်းအချက်အလက် စင်တာ (REIC) ရဲ့ အဆိုအရ တရုတ်ဝယ်ယူသူတွေရဲ့ ပမာဏဟာ ၁၂ ဒသမ ၉ ရာခိုင်နှုန်း ကျဆင်းခဲ့သလို အမေရိကန် ဝယ်ယူသူတွေဘက်ကလည်း ၁၁ ဒသမ ၈ ရာခိုင်နှုန်းလောက်အထိ လျော့နည်းသွားတာကို တွေ့ရပါတယ်။ဒီလိုအခြေအနေမှာ မြန်မာနိုင်ငံက ဝယ်ယူသူတွေဟာ အရင်နှစ်ထက်စာရင် ၄၁ ဒသမ ၈ ရာခိုင်နှုန်းအထိ ပိုများလာပြီး ကွန်ဒိုယူနစ်ပေါင်း ၁,၉၆၈ ခုအထိ ဝယ်ယူခဲ့ကြတာကြောင့် ဝယ်ယူမှုအများဆုံး မြင့်တက်လာတဲ့ နိုင်ငံဖြစ်လာပါတယ်။ ဒါပေမဲ့ ဝယ်ယူတဲ့ စုစုပေါင်းတန်ဖိုးကတော့ ၁၂ ဒသမ ၅ ရာခိုင်နှုန်းလောက် လျော့ကျသွားတာကြောင့် မြန်မာဝယ်ယူသူတွေဟာ ဈေးနှုန်းသက်သာတဲ့ ကွန်ဒိုတွေကို ပိုပြီးရွေးချယ်လာကြတယ်လို့ သုံးသပ်ရပါတယ်။