PSG ထက် ပိုကောင်းသည့်အသင်းမရှိဟု ဘိုင်ယန်နှင့်ပွဲမတိုင်မီ နည်းပြ အန်နရီကေး ကြုံးဝါး

PSG အသင်းနည်းပြ လူးဝစ်အန်နရီကေးက ဘိုင်ယန်မြူးနစ်အသင်းနှင့် ယှဉ်ပြိုင်ရမည့် ချန်ပီယံလိဂ် ဆီမီးဖိုင်နယ် ပထမအကျော့ ပွဲကြိုသတင်းစာရှင်းလင်းပွဲတွင် ၎င်းတို့အသင်းထက် ပိုကောင်းသည့်အသင်း မရှိကြောင်း ယုံကြည်မှုအပြည့်ဖြင့် ပြောကြားခဲ့သည်။ PSG သည် နောက်ဆုံးကစားခဲ့သည့် ကိုးပွဲတွင် ရှစ်ပွဲအထိ အနိုင်ရရှိကာ ခြေစွမ်းပြနေပြီး ဆီမီးဖိုင်နယ်သို့ တက်လှမ်းရန် မိုနာကို၊ ချယ်လ်ဆီးနှင့် လီဗာပူးလ်တို့ကဲ့သို့ အသင်းကြီးများကို ကျော်ဖြတ်ခဲ့ရသည်။ အန်နရီကေးက ဘိုင်ယန်သည် ရလဒ်တည်ငြိမ်မှုပိုင်း၌ အနည်းငယ်သာလွန်သော်လည်း ၎င်းတို့အသင်း၏ လက်ရှိစွမ်းဆောင်ရည်အရ မည်သည့်အသင်းကိုမျှ ကြောက်ရွံ့စရာမလိုကြောင်း ဆိုခဲ့ပြီး၊ အဆိုပါ ထိပ်သီးနှစ်သင်းလုံးသည် ယခုရာသီ ချန်ပီယံလိဂ်တွင် အာဆင်နယ်တစ်သင်းတည်းကိုသာ ရှုံးနိမ့်ထားသည့် မှတ်တမ်းကောင်းကိုယ်စီ ပိုင်ဆိုင်ထားကြပါသည်။