ကျောက်ပန်းတောင်း -ပုပ္ပါးလမ်းမပေါ်ရှိ ဆည်ပေါက်ချောင်းရေလျှံမှုကြောင့် ယာဉ်(၁)စီး ရေစီးနှင့်အတူမျှောပါသွား

၂၆.၄.၂၀၂၆ ရက်နေ့၊ ၁၇ :၂၅ အချိန်ခန့်၊ မန္တလေးတိုင်းဒေသကြီး၊ ကျောက်ပန်းတောင်းမြို့နယ်၊ ဆည်ပေါက်ကျေးရွာတွင် မိုးသည်းထန်စွာရွာသွန်းမှုကြောင့် ကျောက်ပန်းတောင်း -ပုပ္ပါးလမ်းမပေါ်ရှိ ဆည်ပေါက်ချောင်းရေလျှံမှုကြောင့် ယာဉ်(၁)စီး ရေစီးနှင့်အတူမျှောပါပြီး ခရီးသည်များ ယာဉ်ပေါ်တွင် ပိတ်မိနေကြောင်း သတင်းရရှိသဖြင့် ကျောက်ပန်းတောင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ပါသည်။ အဆိုပါဖြစ်စဉ်ကြောင့် ယာဉ်ပေါ်ပါ အမျိုးသား(၅)ဦး။ အမျိုးသမီး(၁၁)ဦးနှင့် ကလေး(၃)ဦးတို့အား ၁၈ ၃၄ အချိန်တွင် ကယ်ထုတ်နိုင်ခဲ့ပါသည်။