ရန်ကုန်တိုင်းနှင့် မန္တလေးတိုင်းတို့၌ ဧပြီ ၂၁ ရက်ညနေပိုင်းက နာရီပိုင်းသာခြား၍ မီးလောင်မှုများဖြစ်ပွား

ဧပြီလ ၂၁ ရက် ညနေပိုင်းတွင် ရန်ကုန်တိုင်း၊ ဒဂုံမြို့သစ် (တောင်ပိုင်း) မြို့နယ်နှင့် မန္တလေးတိုင်း၊ ညောင်ဦးမြို့တို့၌ နာရီပိုင်းသာခြား၍ မီးလောင်မှုများ ဆက်တိုက်ဖြစ်ပွားခဲ့ကြောင်း သိရသည်။ ရန်ကုန်တိုင်း၊ ဒဂုံမြို့သစ် (တောင်ပိုင်း) မြို့နယ်၊ (၂၄) ရပ်ကွက်၊ မြိတ်လမ်းရှိ အဆောက်အအုံတစ်လုံးတွင် ည ၆ နာရီ ၄၇ မိနစ်ခန့်က မီးလောင်မှုဖြစ်ပွားခဲ့ရာ မီးသတ်တပ်ဖွဲ့ဝင်များနှင့် လူမှုကူညီရေးအသင်းများမှ ဝိုင်းဝန်းငြှိမ်းသတ်ခဲ့ကြသဖြင့် ည ၇ နာရီ ၈ မိနစ်တွင် မီးငြိမ်းသွားခဲ့ပြီဖြစ်ကြောင်း သိရှိရပါသည်။