ဂျပန်နိုင်ငံက ကာကွယ်ရေးပစ္စည်းတင်ပို့မှု ကန့်သတ်ချက်များကို ဖြေလျှော့

ဂျပန်အစိုးရသည် မိတ်ဖက်နိုင်ငံများနှင့် လုံခြုံရေးပူးပေါင်းဆောင်ရွက်မှု မြှင့်တင်ရန်နှင့် နိုင်ငံ၏ ကာကွယ်ရေးလုပ်ငန်းများကို အားကောင်းစေရန်အတွက် လက်နက်ခဲယမ်း တင်ပို့မှုဆိုင်ရာ စည်းမျဉ်းများကို ဧပြီလ ၂၁ ရက် (အင်္ဂါနေ့) တွင် ပြင်ဆင်ပြောင်းလဲခဲ့သည်။ ဝန်ကြီးချုပ် ဆနားအဲ တာကာအိချီ ဦးဆောင်သော အစိုးရအဖွဲ့သည် လက်ရှိရင်ဆိုင်နေရသည့် လုံခြုံရေးစိန်ခေါ်မှုများအရ နိုင်ငံတော်လုံခြုံရေးကောင်စီ၏ အတည်ပြုချက်ဖြင့် ယခုကဲ့သို့ ဖြေလျှော့မှုများ ပြုလုပ်ခဲ့ခြင်းဖြစ်ပြီး၊ ဤပြင်ဆင်ချက်ကြောင့် ဂျပန်နိုင်ငံအနေဖြင့် ပြည်ပသို့ ကာကွယ်ရေးပစ္စည်းများ ပိုမိုရောင်းချခွင့် ရရှိလာမည်ဖြစ်ကြောင်း သိရှိရပါသည်။