ကယားပြည်နယ်၊ဒီးမော့ဆို၌( ၅ ) ကြိမ်မြောက် ကန္တာရဝတီနယ် စုပေါင်းကေးထျိုးဘိုး ပွဲတော်ကို ကျင်းပပြုလုပ်

ကယား(ကရင်နီ)ပြည် ၊ ဒီးမော့ဆိုမြို့နယ်အရှေ့ဘက်ခြမ်း ကျေးရွာတရွာမှာ ( ၅ ) ကြိမ်မြောက် ကန္တာရဝတီနယ် စုပေါင်း ကေးထျိုးဘိုးပွဲတော်ကို ယမန်နေ့မှာ ကျင်းပ ပြုလုပ်ခဲ့တယ်လို့ သိရပါတယ်။မနက်အစောပိုင်းမှာ ရိုးရာအရ ကြက် ၊ဝက် ၊ ကျွဲ နဲ့ ပူဇော်တာတွေ ပြုလုပ်ကြပြီး နေ့လည်ပိုင်းမှာတော့ မတူညီတဲ့ ကျေးရွာအသီးသီးကနေ ကယားရိုးရာ ကေးထျိုးဘိုးအကတွေနဲ့ ယှဉ်ပြိုင်ခဲ့ကြတယ်လို့ တာဝန်ရှိသူတဦးက အခုလို ပြောပါတယ်။ကြက်ရိုးဗေဒင်အရ ကြက် ၊ ဝက် ၊ ကျွဲ နဲ့ ပူဇော်ပသတဲ့အခြေအနေမှာ အဖြေ ကောင်းမွန်တယ်လို့ ဆိုပါတယ်။