ကမာရွတ်မြို့နယ်၊ Highway Complex ဝင်းအတွင်း ယာဉ်တစ်စီး မီးလောင်မှုဖြစ်ပွား

ရန်ကုန်တိုင်းဒေသကြီး၊ ကမာရွတ်မြို့နယ်၊ (၆) ရပ်ကွက်ရှိ Highway Complex အိမ်ရာဝင်းအတွင်း၌ ဧပြီလ ၂၁ ရက်၊ နေ့လယ် ၁၂ နာရီ ၈ မိနစ်အချိန်ခန့်က ယာဉ်တစ်စီး မီးလောင်မှုဖြစ်ပွားခဲ့ပါသည်။ အဆိုပါ မီးလောင်မှုဖြစ်ပွားရာသို့ ကမာရွတ်မြို့နယ်မီးသတ်စခန်းမှ မီးသတ်ယာဉ် (၁) စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာ ၁၂ နာရီ ၁၁ မိနစ်အချိန်တွင် မီးငြိမ်းသွားခဲ့ပြီဖြစ်ကြောင်း သိရှိရပါသည်။