မကွေးတိုင်းဒေသကြီး မင်းဘူးခရိုင် ပွင့်ဖြူမြို့နယ်တွင် ဧပြီ ၁၉ ရက်၊ ညနေ ၅ နာရီခန့်အချိန်၌ ရုတ်တရက် မိုးသက်လေပြင်းတိုက်ခတ်မှု ဖြစ်ပွားခဲ့ပြီး အဆိုပါဖြစ်စဉ်ကြောင့် မြို့နယ်အတွင်းရှိ လျှပ်စစ်ဓာတ်အားလိုင်းတိုင်များ ကျိုးပဲ့ပျက်စီးခဲ့ကြောင်း သိရသည်။လေပြင်းတိုက်ခတ်မှုကြောင့် ၁၁ ကေဗွီ ဖီဒါ-၃ (ရှောက်တောဖီဒါ) ဓာတ်အားလိုင်းပေါ်သို့ လမ်းဘေးရှိ ကုက္ကိုပင် ကျိုးကျခဲ့သဖြင့် Single Pole Tension ဓာတ်တိုင်တစ်တိုင် ပျက်စီးခဲ့သည်။ထို့ပြင် ကျောင်းစု-သာဂရကျေးရွာသို့ ဓာတ်အားပေးထားသည့် လိုင်းအပိုင်းတွင်လည်း လေပြင်းဒဏ်ကြောင့် H-Pole Tension ဓာတ်တိုင် ၂ တိုင်နှင့် Suspension တိုင် ၁၇ တိုင် လဲကျကျိုးပဲ့ပျက်စီးခဲ့ကြောင်း သိရသည်။အဆိုပါပျက်စီးမှုကြောင့် မြို့နယ်အတွင်းရှိ ကျေးရွာ ၇၀ ခန့်နှင့် မီးသုံးစွဲသူဦးရေ ၈,၀၀၀ ခန့် လျှပ်စစ်ဓာတ်အားပြတ်တောက်မှု ဖြစ်ပေါ်နေကြောင်း သိရသည်။
